Helmingsvirkjun í Jökulsá á Fjöllum myndi breyta vatnafari árinnar og færa merkar menningarminjar og verðmætan gróður á svæðinu á kaf. Jökulsá á Fjöllum fellur í hæsta verðmætaflokk náttúru og menningarminja í rammaáætlun.
Mynd © Jóhann Ísberg
Flýtilyklar
Helmingsvirkjun
Jökulsá á Fjöllum
- Helmingsvirkjun
- Sjá á korti
- Sjá ljósmynd
- Verndarflokkur
-
Jökulsá á Fjöllum
Tvær virkjunarhugmyndir liggja fyrir í Jökulsá á Fjöllum, þ.e. Arnardalsvirkjun og Helmingsvirkjun.
Jökulsá á Fjöllum er lengsta og vatnsmesta áin sem fellur úr norðanverðum Vatnajökli og þarna eru margar virkar eldstöðvar. Svæðið er talið eitt það mest framandi og sérkennilegasta á hálendi Íslands og áin rennur meðal annars um Vatnajökulsþjóðgarð, Jökulsárgljúfur og Öskju, Herðubreiðarfriðland, Hvannalindir, votlendi við Öxarfjörð, við Kverkfjöll og nálægt Ódáðahrauni.
Náttúrufegurð er talin mikil á svæðinu. Árgljúfrið er stöllótt, efsti og víðasti farvegurinn er grafinn af stærsta hamfarahlaupinu en sjálf rennur áin í þrengsta og dýpsta gljúfrinu. Hlaupin surfu og plokkuðu allt sem fyrir varð, meðal annars gígaröð í farveginum þar sem nú standa Hljóðaklettar, furðulegar myndir ljóna, trölla og kastala.
Vatnasvið Jökulsár á Fjöllum er enn næstum óraskað. Áin rennur með árstíðabundnum sveiflum í náttúrulegum farvegi og skilar framburði til sjávar. Aðeins allra neðst, á söndunum í Kelduhverfi, hafa verið reistar fyrirhleðslur til að draga úr landbroti. Tvær af hverjum þremur stórám jarðar hafa nú verið stíflaðar og rennsli þeirra miðlað. Í Evrópu (utan Íslands) eru aðeins eftir alveg óraskaðar þrjár stórar ár. Ísland er nánast eina landið í Evrópu þar sem enn eru heilleg stór eða sæmilega stór vatnakerfi.
Einar Benediktsson reyndi á sínum tíma að selja erlendum auðjöfrum Dettifoss en taldi fossinn reyndar miklu hærri en hann raunverulega er. Síðan hafa verið uppi nokkrar hugmyndir um virkjun Jökulsár og eiga flestar það sameiginlegt að veita ánni austur á land, nú síðast hugmyndir um Arnardalsvirkjun og Helmingsvirkjun, en þær falla í verndarflokk samkvæmt rammaáætlun.
Mynd © Mats Wibe Lund
-
Umhverfi
Jökulsá á Fjöllum rennur um mikilvæg svæði á landinu, meðal annars Herðubreiðarfriðland, Vatnajökulsþjóðgarð, Jökulsárgljúfur og Öskju, Hvannalindir, votlendi við Öxarfjörð og Kverkfjöll.
Mynd © Mats Wibe Lund
-
Virkjunarhugmyndir
Helmingsvirkjun fellur í verndarflokk en með virkjun hefði grunnrennsli Jökulsár á Fjöllum verið virkjað, lón í farvegum Kreppu og Jökulsár hefðu verið mynduð og 49 km aðrennslisgöng hefðu verið grafin undir Jökulsá á Dal að stöðvarhúsi sem hefði risið skammt sunnan við Skriðuklaustur í Fljótsdal.
Mynd © Mats Wibe Lund
AÐALATRIÐI UM SVÆÐIÐ
- Virkjun myndi breyta vatnafari Jökulsár á Fjöllum og færa merkar menningarminjar og verðmætan gróður á svæðinu á kaf.
- Svæðið er talið eitt það mest framandi og sérkennilegasta á hálendi Íslands.
- Vatnasvið Jökulsár á Fjöllum er enn næstum óraskað.
- Ísland er nánast eina landið í Evrópu þar sem enn eru heilleg stór eða sæmilega stór vatnakerfi.
- Mikið fálkavarp er að finna við Jökulsá á Fjöllum.
- Votlendi svæðisins er víða afar fjölbreytt og er á skrá yfir helstu votlendi í Evrópu.
Í deiglunni
-
11.10.2019
Náttúrukortið uppfært
Náttúrukortið hefur verið uppfært út frá 3. áfanga rammaáætlunar.Meira -
16.02.2015
Væntumþykja gagnvart náttúrunni
Gildin í lífinu eru dyggðir, tilfinningar og viðhorf sem við lærum og æfum til að verða betra fólk. Gildin í samfélaginu eflum við og styrkjum til að gera samfélagið betra. Við reynum á sama tíma að kveða niður brestina, heimskuna, grimmdina og eyðileggingarmáttinn sem knýr á.Meira -
06.11.2014
Aðeins ein jörð
Ljóð eftir Ómar Ragnarsson flutt á Gálgahraunstónleikunum í síðustu viku.Meira -
03.11.2014
Það var einu sinni þjóð
Það var einu sinni þjóð sem bjó í landi sem hét Perú. Þetta var listfeng og háþróuð menningarþjóð sem byggði sér borg með turnum, styttum og skrauti úr skýra gulli og lifði í þessu fjöllótta landi sem friðsöm þjóð.Meira
